یونانی طریقہ علاج صدیوں سے مستعمل اور موثر ہے وقت گزرنے کے ساتھ جمود اور جدت کے رجحانات سے فاصلہ کی وجہ سے اس علاج کی اثرپذیری پر پر مختلف سوالات اٹھنے لگے ہیں۔

سچ تو یہ ہے کہ کچھ عرصہ سےاس طریقہ علاج سے متعلق لوگوں نے کماحقہٗ اس کی خدمت،ترقی اور تحقیق کا حق ادا کرنا ضروری نہیں سمجھا۔

اس دوران یہ طریقہ علاج مطب سے نکل کر انڈسٹری کی صورت اختیار کرگیا۔

لیکن فن تحقیق اور ترقی کا سفر جو مطب پر ہو رہا تھا وہ رک گیا۔ ہربل یونانی سسٹم کی تمام اہم کتابیں  قریب 100 سال اور اس  سے بھی پرانی ہیں، گزشتہ ایک صدی میں یہ علم  صرف  بار بارچھپا ہے۔  اگر کسی صاحب علم نے کچھ اضافہ کیا بھی ہے تو وہ نہ ہونے کے برابر ہے۔

اکابر اطباء مطب پر پر اپنے تجربات کا ریکارڈ رکھتے،نئے مشاہدات بھی قلم بند کرتے اور اس کو کتابی صورت میں میں دوسرے لوگوں تک بھی پہنچاتے۔جواطباء کتابی صورت میں چھپا نہیں سکتے تھے وہ بھی اپنے  قلمی نسخے، بیاض اگلی نسل کو منتقل کرتے۔

یہ صرف پروپیگنڈا ہے کہ حکیم نسخے ساتھ لے گئے۔ اگر حکماء کچھ ساتھ لے گئے ہیں تو وہ محنت اخلاص اور لگن تھی جس سے اب لوگ جی چراتے ہیں۔ اور اس میں ان کا کوئی قصور نہیں ہے۔

اس طریقہ علاج کی بنیاد بہت مضبوط ہے اور آج بھی  بنی نوع انسان کی فلاح کے لیے صحت یابی کے لیے یہ طریقہ علاج بہترین ہے۔ ضرورت اس امر کی ہے کہ دور جدید کے تقاضوں کے مطابق بدلی ہوئی خوراک  رہن سہن  اوراس کے اثرات کو کو سامنے رکھتے ہوئے یے اس طریقہ علاج کی بنیادی فلاسفی کے ساتھ  تشخیص و تجویز کے عمل کو آگے بڑھایا جائے۔

سائنس کی ترقی سے بیماری کی تشخیص میں جو عروج حاصل ہوا ہے اس سے بھی استفادہ کیا جائے۔ ان رپورٹس کو طبی فلاسفی کے تناظر میں سمجھنے کی کوشش کی جائے تو کوئی وجہ نہیں آج بھی یہ طریقہ علاج محفوظ اور موثر ترین طریقہ علاج قرار نہ پائے۔

صحت مطب کا  آغاز  اسی جذبے اور ارادے سے کیا گیا ہے۔

اس پلیٹ فارم سے

انشاء اللہ یونانی ہربل ادویات کے ساتھ  جدید تحقیق سے استفادہ کرتے ہوئے محفوظ اورموثر ادویات کے ذریعہ علاج معالجہ کیا جائے گا۔انشاءاللہ۔


الحمداللہ
صحت مطب نے اپنی خدمات کا آغاز کر دیا ہے۔ پہلے مرحلے میں سیالکوٹ میں سٹی بازار پلازہ میں صحت مطب کےنام سے ہی ایک یونانی ہربل شاپ اور مطب شروع کیا گیا ہے ۔ اسکو پنجاب ہیلتھ کئیرکمیشن سے رجسٹر کرایا گیا ہے۔
ہربل شاپ سے آپ معروف ہربل اداروں کی اعلی معیار کی مؤثر ادویات حا صل کر سکتے ہیں۔اس کے ساتھ ساتھ معیاری منتخب مفردات انکے کے پائوڈر اور روغنیات بھی مہیا ہوں گے ۔انشااللہ۔
مطب پر معائنہ یا معالجہ کے لئے نیچے دئے گئے فون ہر ٹائم کنفرم کر کے تشریف لائیں۔
صحت مطب کی خدمات آن لائن بھی مہیا ہوں گی ۔آپ ویب سایٹ اورفیس بک کے ذریعہ سے رابطے میں رہیے۔ آن لائن آپ کے لئے ہربل سسٹم اور آپکی صحت سے متعلق معلومات دی جائیں گی ۔ صحت سے متعلق معیاری ادویات اور اشیاء کی خریداری بھی کی جا سکے گی۔
آپکا تعاون اور رائے ہمارے لئے بپت اہم ہے۔ آپکے تعاون سے ہم انشااللہ اس ادارے کوآپ سب کی صحت کے لئے مفید سے مفید تر بنا سکتے ہیں۔ ۔ بہت شکریہ۔www.matab.pk
03356282275